مشاريعنا في مبادئ التصميم المعماري والبيئي

فعندي اقتراح انو كل واحد فينا ينزل صور لمشروعو هنا في هادا الموضوع

وبعد هيك نصوت لافضل مشروع من وجهة نظرنا احنا

فكرة حلوة كتيييير يا محمود بس بصراحة انا ليا ما صورت مشروعي لهلأ

بس انشالله راح اصورو واشارك معكم


تحياتي

صور مشروعي

مسقط الدور الأرضي

[ندعوك للتسجيل في المنتدى أو التعريف بنفسك لمعاينة هذه الصورة]

مسقط الدور الأول

[ندعوك للتسجيل في المنتدى أو التعريف بنفسك لمعاينة هذه الصورة]

الموقع العام

[ندعوك للتسجيل في المنتدى أو التعريف بنفسك لمعاينة هذه الصورة]

السكاشن

[ندعوك للتسجيل في المنتدى أو التعريف بنفسك لمعاينة هذه الصورة]

الواجهات


[ندعوك للتسجيل في المنتدى أو التعريف بنفسك لمعاينة هذه الصورة]

المنظور

[ندعوك للتسجيل في المنتدى أو التعريف بنفسك لمعاينة هذه الصورة]

المجسم

[ندعوك للتسجيل في المنتدى أو التعريف بنفسك لمعاينة هذه الصورة]

مشروع حلو يا محمود
بس قبل شي وين سهم الشمال عشان نقدر ننقدك بالمشروع
مشكور كتير

مشكور كتير
بعتذر عن سهم الشمال اصلي صورت المشروع قبل التشطيبات

السهم على زاويه 45 أعلى يمين الصوره
منتظر انتقادك

مشكور كتير فادي على ملاحظاتك
يظهر انو الي صار فيك امبارح من اللجنه بدك اتطلعو عليا
عالعموم منتظرين مشروعك يلا بسرعه

مشكور محمود ..
شغل حلو واظهار حلو كمان بس فيه شوية ملاحظات
اول شي انا كنت حابب توقع قطعة الأرض عشان اشوف كيف احترمت حدود المبنى ووين الشوارع الرئيسية وهل المدخل مناسب ولا لاء
عشان اقدر احدد ازا المطبخ مناسب بموقعو ولا بعيد عن المدخل أو عامل بوابة تانية مثلا
وكنت حابب تبين شوية لاند سكيب بالارضي
تاني شي انا شايف الدورة للضيوف كبيرة مساحتها .. يا اما بتخليها متل ما هية بس بتحط بانيوو باتجاه عرض الدورة وجنبها الكرسي
يا اما بتصغرها وبتحط كرسي ومغسلة برة بكفي


كنت حابب تعمل قوس عند غرفة الطعام جمب الدورة عشان الضيوف ما تخترق خصوصية البيت

بالنسبة لبيت الدرج فيه درجة ناقصة بدها تسويد لأنو انتا طالع بمنسوب أربع درجات فلازم يكون هناك نفس المنسوب
بعدين وين اسهم الصعود ؟؟؟
كنت حابب تعمل مدخل من المطبخ على الترس وتعمل جلسات بالترس الكبير هادا
بالنسبة للمطبخ كنت حابب يكون البوتاجاز موجود بالشباك بالموجود بالجهة الشرقية الشمالية الشرقية لأنو انتا حاطط البوتوجاز بمكان بيدخل فيه رياح شمالية غربية
عالعموم موفق وجهد طيب
هادا تعليقي بالنسبة للدور الارضي

رح اشوف شو تعليقك على كلامي بعدين ارد على باقي الشغل ..
موفق يا رب

مشكور لملاحظاتك
اول شي بالنسبه لقطعة الارض موضحه في صورة الموقع الخاص وانشالله حضيف لوحة الموقع العام
وملاحظاتك بالنسبه لدورة المياه وغرفة الطعام صحيحه 100 % وانتشالله حاخدها في الاعتبار في التصاميم الجايه
وبالنسبه لملاحظات الدرج فلا تخاف عدلتها قبل التسليم والحمد لله
وبالنسبه للترس فهو مخصص للمسبح متل ما هو مبين ولو انو بحاجه لجلسه صغيره على الاقل
وبالنسبه للمطبخ فما في شباك في اتجاه الشمال الغربي لدخول الهواء

منتظر تحليلك لباقي المشروع
تحياتي

اسف يا محمود انا فكرت المجلى هو بوتوجاز هههه
بسيطة العتب عالنظر
بالنسبة للمسقط الاول
محلول وظيفيا
بس كنت حابب يكون فرش غرفة النوم بطريقة انو يكون السرير تحت الشباك على طول هيك حسب ما تعلمنا
رح احكي بالنسبة للواجهات متل ما تفضل اخونا فادي انو بدها اظهار اكتر من هيك
وبدك تبين بروز الكتل بالظلال

الوانك فاتحة شوية بدها شوية تغميق ما تخاف من الالوان المائية وحاول تغمق شوية ..
كنت حابب تطعم الواجهة بشوية شجر والسما
المجسم حلو يعطيكي العافية
وموفق يا رب
سامحني طولت عليك

يعني بداية انا بتشكرك يا محمود

ومجهوود طيب طبعا

ويستحق الشكر

1 - بالنسبة للعلاقات الوظيفية محلولة عندك بشكل جيد ولكن تحتاج الى شوية خصوصية في الطابق الأرضي ؟؟

2 - وبالنسبة للمجسم ما في عليه كلام


ولكن " نبدا في البهديلة " ..... هههههههه

1- اول تعليق الي بالنسبة لغرفة النوم الرئيسية انت في عندك وسع كتيييير فيها وفقيرة بالعفش مع انو كان بامكانك تستغل الوسع هاد وتحط فيه جلسة كنباية يعني

2 - المنزل ككل فيه مساحات كتيييرة صغيرة او كبيرة غييييير مستغلة يعني مضيع كتيييير وسع عالفاضي

وانت بامكانك تحط اي شي فيها ممكن يستفيدو من المساحة

3 - بالنسبة لغرفة الجلووس في الطابق الأول مش شايف انو ما في نقطة مركزية بتلتف عليها قطع الأثاث يعني لا هم موجهين على الفتحات علشان الاستمتاع بالمناظر اللي برا ولا هو موجهين على البوفيه او التلفزيون
المفروض يكون في عندك تركيز على شيئ معين

الا ازا كان هدفك انها جلسة حميمية لمجرد الحديث او الراحة


4 - بالنسبة للتيراس الكبيييير اللي في الطابق الاول انا مش شايفك مستغلو باي طريقة

مش موضح كيف ممكن الواحد يستغل التيراس هادا او شو هدفك منو ولا هو فراغ مش عارف شو تحط فيه

5 - بالنسبة للفراغ الموجود فيه المسبح

يعني انت موضح في المسقط انو فيه اعمدة بين فتحات الزجاج

بس انا مش شايف هادا الشي مترجم بالواجهة يا ريت توضحلنا

6 - وبدك الصراحة غرفة المكتب ابدا ابدا ما عجبتني

بالمرة مش موزع العفش فيها بطريقة صحيحة

7 - بالنسبة للواجهات زي ما قالو الشباب يعني انا ما عرفت انو هاي شبابيك الا لما تطلعت على المنظور

مش مبين بالمرة

ما في اي شي يميز انهم شبابيك مبينين كأنهم مساحات ملونة بلون مختلف على الجدار

8 - يؤسفني اني اقللك انو خط السماء عندك ميت عالآخر


بالنهاية

بستخلص من المشرووع

1 - محمود معليش ما تزعل بس انا شايف انك غير موفق في اختيار الالوان سواء في الدهان او في العفش

2 - كنت حابب اشوفك مستخدم اي عنصر حيوي داخل المنزل زي الزراعة مثلا


يعني حتى لو قواوير صغيرة

على الأقل ممكن تملأ الفراغات الفاضية عندك

بتفتح النفس لما تشوف زراعة بالبيت

3- يعني انا شايفك يا محمود مش مهتم بالاظهار المعماري ابدا

مع انو الاظهار كان ممكن يحل كتييير مشاكل عندك زي المساحات




اظن بكفيك


معليش يا محمود سامحني على النقد

ولكن انا اكيد ما نقدتك الا حتى تتعلم وتستفيد من اخطاءك

واحمد ردك انو لجنة الجوري ما ناقشوك
هههههههههههههه

تحياتي


سلالم

شو رايك يا محمود

معليش سامحني كتييييير طويل التعليق

مشكور كتير اخي توفيق وانا عارف انو الواجهات اظهارها متواضع كتييييييييير اصلي اول مره استخدم الالوان المائيه  وكان بمثابة تحدي لنفسي

وبالنسبه الك با استاذ كاسبر فانتا بتعرف كيف كنت مزنوق كتيييييييير بالوقت مو متلك الوان المجسم ما اعجبتك فعدتو
ولهيك حاولت اركز على التصميم اكتر من العفش فمتل ما بتعرف انو المساق مبادئ تصميم مش طرق التعبير
وبالنسبه للاعمده فهي خلف الزجاج
والجلسه في الطابق الأول ملتفه حول البوفيه الي فيه تلفزيون
عالعموم مشكور عالبهدله

يا جماعه وين المشاريع

مشكور كتير اخي توفيق وانا عارف انو الواجهات اظهارها متواضع كتييييييييير اصلي اول مره استخدم الالوان المائيه  وكان بمثابة تحدي لنفسي

وبالنسبه الك با استاذ كاسبر فانتا بتعرف كيف كنت مزنوق كتيييييييير بالوقت مو متلك الوان المجسم ما اعجبتك فعدتو
ولهيك حاولت اركز على التصميم اكتر من العفش فمتل ما بتعرف انو المساق مبادئ تصميم مش طرق التعبير
وبالنسبه للاعمده فهي خلف الزجاج
والجلسه في الطابق الأول ملتفه حول البوفيه الي فيه تلفزيون
عالعموم مشكور عالبهدله

يا جماعه وين المشاريع

ههههههههههههههههه


طيب ماشي يا حودة انا متأسف ازا زعلتك

بس انا متأكد انك مو زعلان مني لأنو عارف انو ما قصدي احكي وخلاص بالعكس انا كنت حابب افيد بس

اما بالنسبة للأعمدة اللي عند المسبح انا شايف انو الأعمدة ظاهرة في المنظور


مش عارف شو رايك

يعطيك العافيه فادي بس انا طرحت هادا الموضوع
للحفاظ على ترتيب وتنظيم المشاركات في المنتدى وانشالله كل مشروع بياخد حقو

والله اللى طلع رجل ونزل مشروعوا ............... محمود
وين الشباب بزات اللى بيلكوا كتير ما شفنا شغلهم وبعدين يلا نزلوا مشاريعكوا علشان نتشجع زيكوااا

شو بتقصدي بهالكلام الشباب كلهم ارجال
ولعلمك المهندس احمد الاسطل الي هو بيدرسكم المساق
لما اجانا باللجنه قبل ما يجيكم
حكالنا شغلكم اكيد من غير ما اشوف شغل البنات اكيد انتو احسن بكتيييييييير
عالعموم مشكوره لمرورك

اديلو في العضل


معقووول

المهندس احمد الأسطل حكا هيك


ليش ما نبهتني يا راجل

بس بجد ..... بشارة حلوة

يعطيكم العافيه
شو كاسبر وين مشروعك يلا يا حلو نزلو انا بستنى فيك خصوصي

يعطيكم العافية ........

شو شباب بشوف ما حداً دق صدرو .... وين الرجالة ؟؟؟!!!

طيب .. رح أكون أول المتشجعين ....

إليكم مشروعي المتواضع .... على أمل سماع تعليقاتكم الكريمة ....
[ندعوك للتسجيل في المنتدى أو التعريف بنفسك لمعاينة هذه الصورة]

الواجهات
[ندعوك للتسجيل في المنتدى أو التعريف بنفسك لمعاينة هذه الصورة][ندعوك للتسجيل في المنتدى أو التعريف بنفسك لمعاينة هذا الرابط] alt=""/>

جميل جدا
بس المفروض تكون الواجهات أفضل من هذا " من ناحية الإظهار "
لأني عندما نظرت الى المجسم أحسست بفرق كبير بينه وبين الواجهات
لكن التصميم حلو كتيييير .....
موفق يا Admin